Basa nga Papel

Sa lugar sang kalinong
Imo lang mabati.an ang hagogol sang mga ginhawa
Kung sa diin sila nagala-ot sang hangin nga pwedy magabot
Ukon basi sa mga laway nalang sila naga sige ka kapyot

Miskan sa diin nalang nga lugar, ukon bangga naga padayon
Miskan ga pa tindog nga posisyon pwedy sa gihapon
mga pisti nga kalipay, sila naga laplapanay
nga daw mga uhaw sa priska nga unod kag gutom sa panit nga mahamot

Para sa ila ang bilog nga syudan katri sang kadamakan
Sa ila ligwa ang kasal-anan kag ang kadungulan
Sa ila hampangan lang ang mga mahumok nga kalawasan
Kay sa ila ang pag painit amo ang bulong sa magal-om nga kalibutan

Daw kanami lantawon sang amo ni nga syudad
Wala away kag ang katawhay lng ang imo ma pyaran
Kay ang tanan maalwan
Sa imo pa-ihatag ang ila kalawasan

Imoral man sila lantawon sa aton mga mata nga harapon
Pero amo ining lugar nga aton tanan gina handom
Indi talang mabaton sa aton katawhanon
Ukon indi talang gusto tawgon nga isa ka manyakon

Pero ang ining pagdamgo sa sulod sang kalayo
Makapaso kag makahalapdi sa mata ang mga luha sang paghuna-huna
Kay kabublay mag sagi ka damgo kag mag paminsar
Labi nagd kung ang ara sa tubangan nga naga sikang-kang..ang maestro mo nga imo gina bakuyan

Words by Ayzee Alvarez

Artwork by Nonon Yee